ടെക്‌സസ്: യു.എസിലെ ടെക്‌സസില്‍ ഹോട്ട് എയര്‍ ബലൂണിന് തീപ്പിടിച്ച് 16 പേര്‍ മരിച്ചു. പ്രദേശിക സമയം രാവിലെ 7.40ഓടെയാണ് അപകടമുണ്ടായത്. പൈലറ്റുള്‍പ്പെടെ യാത്ര ചെയ്ത 16 പേരും അപകടത്തില്‍ മരണപ്പെട്ടെന്ന് ടെക്‌സസ് സുരക്ഷാ വിഭാഗം അധികൃതര്‍ സ്ഥിരീകരിച്ചു. ടെക്‌സസില്‍ നിന്നും 50 കി.മീറ്റര്‍ അകലെയുള്ള ഓസ്റ്റിനിലാണ് അപകടമുണ്ടായത്. വൈദ്യുതി ലൈനില്‍ തട്ടി തീപ്പിടിച്ചതാണ് അപകടകാരണമെന്ന് സംശയിക്കുന്നത്.

1993 നുശേഷം രാജ്യത്തുണ്ടാകുന്ന ആദ്യ ഹോട്ട് എയര്‍ ബലൂണ്‍ അപകടമാണ്. രാജ്യത്തുണ്ടാകുന്ന ഏറ്റവും വലിയ ഹോട്ട് എയര്‍ ബലൂണ്‍ ദുരന്തവുമാണിത്. 1993 ല്‍ നടന്ന അപകടത്തില്‍ ആറു പേര്‍ കൊല്ലപ്പെട്ടിരുന്നു.