സിയോള്‍: യു.എസ് അടക്കമുള്ള രാജ്യങ്ങള്‍ക്കു വെല്ലു വിളി ഉയര്‍ത്തി വീണ്ടും ഉത്തരകൊറിയയുടെ മിസൈല്‍ പരീക്ഷണം. ഒരാഴ്ചക്കുള്ളിലെ നാലാമത്തെ ബാലിസ്റ്റിക് മിസൈല്‍ പരീക്ഷണമാണിത്.

ജപ്പാന്‍ കടലിനു നേരെ നടത്തിയ പരീക്ഷണമിസൈല്‍ 450 കിലോമീറ്റര്‍ സഞ്ചരിച്ചതായി ഔദ്യോഗിക വൃത്തങ്ങള്‍ അറിയിച്ചു. തീര നഗരമായ വോംഗ്‌സാനില്‍ നിന്നാണ് മിസൈല്‍ വിക്ഷേപിച്ചത്. മിസൈല്‍ ആകാശത്തു കുടി ആറു മിനുട്ട് സഞ്ചരിച്ചതായി യു.എസ് പസഫിക് കമാന്‍ഡ് പറഞ്ഞു. യു.എന്‍ രക്ഷാസമിതി വിലക്ക് ലംഘിച്ച് നേരത്തെയും ഉത്തരകൊറിയ മിസൈല്‍ പരീക്ഷണം നടത്തിയിരുന്നു.