ശാസ്താംകോട്ട: പള്ളിശ്ശേരിക്കല്‍ ഡി.വൈ.എഫ്.ഐ - ബി.ജെ.പി സംഘര്‍ഷം പതിവാകുന്നു. കഴിഞ്ഞ ദിവസം നടന്ന സംഘര്‍ഷത്തില്‍ സി.പി.എമ്മിന്റെ കൊടി മരങ്ങളും തോരണങ്ങളും നശിപ്പിച്ചു.
ഡി.വൈ.എഫ്.ഐ നടത്തിയ പ്രകടനത്തിനു നേരേ ബി.ജെ.പി പ്രവര്‍ത്തകര്‍ അസഭ്യ വര്‍ഷം നടത്തിയതാണ് സംഘര്‍ഷത്തിനു തുടക്കം. ഇതില്‍ പ്രതിഷേധിച്ചു നടത്തിയ പ്രകടനത്തിനിടെ ബി.ജെ.പി. മണ്ഡലം പ്രസിഡന്റിന്റെ വിടിനു നേരേ കല്ലേറുണ്ടായി. ഇതിന് പ്രതികാരമായി സംഘടിച്ചെത്തിയ ബി.ജെ.പി പ്രവര്‍ത്തകര്‍ പ്രകടനത്തിനിടയില്‍ സി.പി.എമ്മിന്റെ കൊടിമരങ്ങളും തോരണങ്ങളും നശിപ്പിക്കുകയായിരുന്നു. പൊലിസ് കണ്ടു നില്‍ക്കെയാണ് ബി.ജെ.പി. പ്രവര്‍ത്തകര്‍ അക്രമം നടത്തിയത്.