ബംഗ്ലുരു : ബി.ജെ.പി രണ്ട് ദിവസത്തിനകം സര്‍ക്കാര്‍ രൂപീകരിക്കാനുള്ള അവകാശ വാദം ഉന്നയിക്കുമെന്നും യെദിയൂരപ്പ മുഖ്യമന്ത്രിയാവുമെന്നും കര്‍ണാടക ചുമതലയുള്ള ബി.ജെ.പി ജനറല്‍ സെക്രട്ടറി മുരളീധര്‍ റാവു പറഞ്ഞു. നിലവില്‍ കുറച്ച് സങ്കീര്‍ണതകളുണ്ട്. തീരുമാനം നേതൃത്വത്തിന്റെ പരിഗണനയിലാണ്‌.
വ്യാഴാഴ്ച ഉത്തരവാദപ്പെട്ട എം.എല്‍.എ മാര്‍ അമിത് ഷായെ കണ്ടു കാര്യങ്ങളുടെ നിജസ്ഥിതി ബോധിപ്പിച്ചിരുന്നു എന്നും അദ്ദേഹം കൂട്ടിച്ചേര്‍ത്തു.

യെദിയൂരപ്പയാകും മുഖ്യമന്ത്രി എന്നും തെരഞ്ഞെടുപ്പ് സമയത്ത് തന്നെ അദ്ദേഹത്തെ മുഖ്യമന്ത്രി സ്ഥാനാര്‍ഥി ആക്കിയിരുന്നതാണെന്നും അദ്ദേഹം അറിയിച്ചു. ബി.ജെ.പിക്കു കീഴില്‍ സുസ്ഥിര സര്‍ക്കാരായിരിക്കും കര്‍ണാടക ഇനി ഭരിക്കുക എന്നും അദ്ദേഹം കൂട്ടിച്ചേര്‍ത്തു.