തൃശൂര്‍: സുബ്രതോ കപ്പ് അണ്ടര്‍ 17 സംസ്ഥാനതല മത്സരങ്ങള്‍ ഇന്ന് തൃശൂരില്‍ തുടങ്ങും. ആണ്‍കുട്ടികളുടെ വിഭാഗത്തില്‍ മൂന്ന് വേദികളിലായി എണ്‍പത് ടീമുകള്‍ പങ്കെടുക്കും.
കേരള വര്‍മ കോളജ്, തൃശൂര്‍ എന്‍ജിനീയറിങ് കോളജ്, കോര്‍പ്പറേഷന്‍ സ്റ്റേഡിയം എന്നിവിടങ്ങളില്‍ നടക്കുന്ന മത്സരത്തിനുള്ള ഒരുക്കങ്ങളെല്ലാം പൂര്‍ത്തിയായതായി സംഘാടകര്‍ അറിയിച്ചു. രാവിലെ പത്തിന് ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ. ആര്‍ സാംബ ശിവന്‍ ഉദ്ഘാടനം നിര്‍വഹിക്കും. അഡീഷണല്‍ ഡയരക്ടര്‍ ഷിബു, ജോയിന്റ് ഡയരക്ടര്‍ ഓഫ് സ്‌പോര്‍ട്‌സ് ചാക്കോ ജോസഫ്, കെ.എന്‍ സുരേഷ്, എ.എസ് മിഥു എന്നിവര്‍ പങ്കെടുക്കും. നാളെ അണ്ടര്‍ 17 വിഭാഗത്തിലെ പെണ്‍കുട്ടികളുടെ മത്സരവും നടക്കും.
അണ്ടര്‍ 14 വിഭാഗത്തിലെ മത്സരവും നാളെയാണ്. 116 ടീമുകളിലായി 1600 ഓളം കായിക താരങ്ങള്‍ പങ്കെടുക്കും. ഓഗസ്റ്റ് 19, 20 ദിവസങ്ങളില്‍ ഡല്‍ഹിയിലാണ് ദേശീയ ചാംപ്യന്‍ഷിപ്പ്. ഇന്ന് തുടങ്ങുന്ന മത്സരങ്ങള്‍ 31ന് അവസാനിക്കും.