ജയ്പൂര്‍: ഫേസ്ബുക്കില്‍ വിവരം നല്‍കി ആത്മഹത്യക്ക് ശ്രമിച്ച രണ്ട് യുവാക്കളെ ബന്ധുക്കളും സുഹൃത്തുക്കളും ചേര്‍ന്ന് രക്ഷപ്പെടുത്തി. ബാര്‍മര്‍ സ്വദേശികളാണ് ഇരുവരും. രമേഷ് മേഘ്്‌വാള്‍ എന്നയാള്‍ തൊഴില്‍ ലഭിക്കാത്ത സാഹചര്യത്തിലാണ് മാതാപിതാക്കള്‍ക്കും മറ്റും ഫേസ്ബുക്കില്‍ ആത്മഹത്യ ചെയ്യുന്നുവെന്ന് കാണിച്ച് കുറിപ്പിട്ടത്. ഇത് ഇയാളുടെ സുഹൃത്ത് കണ്ടതിനെ തുടര്‍ന്ന് ബന്ധുക്കളെ അറിയിക്കുകയായിരുന്നു. ആത്മഹത്യക്ക് ശ്രമിച്ച രണ്ടാമന്‍ കേഷാര്‍ ലാല്‍ എന്നയാളാണ്. ഇയാളും ഫേസ്ബുക്കില്‍ കുറിപ്പിട്ട് റെയില്‍പാളത്തില്‍ കിടക്കുകയായിരുന്നു. റെയില്‍പാളത്തില്‍ കിടക്കുന്ന വിഡിയോയും ഇയാള്‍ പങ്കുവച്ചിരുന്നു.