റിയാദ് : ഒക്ടോബര്‍ 13 ന് സമസ്തക്ക് വേണ്ടി എസ് വൈ എസ് കേരള സംസ്ഥാന കമ്മിറ്റി നടത്തുന്ന സമസ്ത ശരീഅത്ത് സംരക്ഷണ സമ്മേളന ഭാഗമായി നടക്കുന്ന ഒപ്പ് ശേഖരണത്തില്‍ എസ് വൈ എസ് സഊദി നാഷണല്‍ കമ്മറ്റിയും പങ്ക് ചേരുന്നു.
വ്യാഴം, വെള്ളി ദിവസങ്ങളില്‍ മുഴുവന്‍ ഏരിയ തലങ്ങളിലും ഏരിയ കമ്മറ്റികളുടെ ആഭിമുഖ്യത്തില്‍ ഒപ്പ് ശേഖരണം നടത്തുകയും വെള്ളിയാഴ്ച നടക്കുന്ന എസ് വൈ എസ് ശരീഅത്ത് സംരക്ഷണ ഐക്യദാര്‍ഢ്യ സമ്മേളനത്തില്‍ ഏരിയ കമ്മറ്റികള്‍ നടത്തിയ ഒപ്പ് ശേഖരണം സെന്‍ട്രല്‍ കമ്മിറ്റികള്‍ ഏറ്റ് വാങ്ങും. സെന്‍ട്രല്‍ കമ്മിറ്റികള്‍ അതാത് സ്ഥലങ്ങളില്‍ ഉള്ള നാഷണല്‍ കമ്മിറ്റി ഭാരവാഹികള്‍ക്ക് ഏല്‍പ്പിക്കുകയും ചെയ്യും.
ഒപ്പ് ശേഖരണം വന്‍ വിജയമാക്കുന്നതിന് മുഴുവന്‍ ഏരിയ കമ്മറ്റികളും സജീവമായി രംഗത്തിറങ്ങണമെന്ന് എസ് വൈ എസ് സഊദി നാഷണല്‍ കമ്മറ്റി ചെയര്‍മാന്‍ സയ്യിദ് ഉബൈദുല്ല തങ്ങള്‍ മേലാറ്റൂര്‍, ആക്ടിംഗ് പ്രസിഡന്റ് അബൂബക്കര്‍ ദാരിമി താമരശ്ശേരി, ആക്ടിംഗ് സെക്രട്ടറി അസ്‌ലം അടക്കാത്തോട്, ട്രഷറര്‍ സൈദലവി ഫൈസി പനങ്ങാങ്ങര, ശരീഅത്ത് സംരക്ഷണ സമ്മേളന പ്രചരണ കമ്മിറ്റി ചെയര്‍മാന്‍ ബഷീര്‍ ബാഖവി ദമാം, കണ്‍വീനര്‍ നജ്മുദ്ധീന്‍ ഹുദവി ജിദ്ദ തുടങ്ങിയവര്‍ അഭ്യര്‍ത്ഥിച്ചു.