കല്‍പ്പറ്റ: ബി.ജെ.പി കേന്ദ്രത്തില്‍ അധികാരത്തില്‍ വന്നതിനെ തുടര്‍ന്ന് നടക്കുന്ന ആള്‍ക്കൂട്ടക്കൊലപാതകങ്ങള്‍ അപരിഷ്‌കൃതവും മനുഷ്യമനഃസാക്ഷിയെ ഉലക്കുന്നതുമാണെന്ന് പോരാട്ടം സംസ്ഥാന ജനറല്‍ കൗണ്‍സില്‍ അധ്യക്ഷന്‍ എം.എന്‍ രാവുണ്ണി. ഇതില്‍ തങ്ങള്‍ക്കുള്ള ഉത്കണ്ഠയും വ്യാകുലതയും അറിയിച്ച് ഇന്ത്യയിലെ 49 പ്രമുഖ വ്യക്തികള്‍ കലാകാരന്‍മാരും സാഹിത്യകാരന്‍മാരും അടങ്ങുന്നവര്‍ പ്രധാനമന്ത്രിക്ക് കത്തയച്ചിട്ടുള്ളത് പുരോഗമന ജനാധിപത്യ മൂല്യങ്ങളെ പ്രതിനിധീകരിക്കുന്നതാണ്.
കേരളത്തെ പ്രതിനിധീകരിച്ച് കത്തില്‍ ഒപ്പുവച്ചിട്ടുള്ള അടൂര്‍ ഗോപാലകൃഷ്ണനെ ഒറ്റതിരിഞ്ഞ് അക്രമിക്കാന്‍ കേരളത്തിലെ ബി.ജെ.പി നേതൃത്വം മുന്നോട്ടു വന്നിട്ടുള്ളത് അപലപനീയമാണെന്നും രാവുണ്ണി പറഞ്ഞു.