കുന്നംകുളം: കുന്നംകുളം വടക്കാഞ്ചേരി റോഡില്‍ ചൊവ്വല്ലൂര്‍ വില്ലേജ് ഓഫിസിനു സമീപം മരം കടപുഴകി വീണ് ഗതാഗതം തടസ്സപെട്ടു. രാവിലെ 11 ഓടെയായിരുന്നു സംഭവം. വില്ലേജ് ഓഫിസിന് പരിസരത്തുള്ള റോഡരികിലെ ഭീമന്‍ പൂമരമാണ് കടപുഴകി വീണത്. സാദാസമയം വാഹനങ്ങള്‍ കടന്നു പോകുന്ന റോഡില്‍ ആളപായമില്ലാതിരുന്നത് ഭാഗ്യം ഒന്നു കൊണ്ട് മാത്രമാണ്. മരം റോഡിലേക്ക് വീണതോടെ ഇതു വഴിയുള്ള വാഹന ഗതാഗതം നിലച്ചു. വടക്കാഞ്ചേരി മേഖലകളില്‍ നിന്നും കുന്നംകുളത്തേക്കുള്ള വാഹനങ്ങള്‍ പിന്നീട് പന്നിത്തടം വഴിയും, വടക്കാഞ്ചേ രി ഭാഗത്തേക്കുള്ള വാഹനങ്ങള്‍ കലശമല വഴി അക്കിക്കാവ് ബൈപ്പാസിലൂടെ പന്നിത്തടത്തേക്കും വഴി തിരിച്ചുവിട്ടു. കുന്നംകുളം ഫയര്‍ഫോ ഴ്‌സും, കെ.എസ്.ഇ.ബി ജീവനക്കാരും ചേര്‍ന്ന് മണിക്കൂറുകളോളം പണിപെട്ടാണ് മരം മുറിച്ച് മാറ്റിയത്.