കൊല്ലങ്കോട്: അതിര്‍ത്തി പ്രദേശ ചെക്ക് പോസ്റ്റായ ഗോവിന്ദാപുരം എക്‌സൈസ് ചെക്ക്‌പോസ്റ്റില്‍ വാഹന പരിശോധനയില്‍ 3.5 കഞ്ചാവ് പിടികൂടി. എക്‌സൈസ് ഇന്റലിജന്‍സ് വിഭാഗവും ചെക്‌പോസ്റ്റ് എക്‌സൈസ് വിഭാഗവും ഇന്നലെ ഉച്ചയ്ക്ക് ഒന്നരക്ക് നടത്തിയ വാഹന പരിശോധനയില്‍ പൊള്ളാച്ചിയില്‍നിന്ന് തൃശൂരിലേക്ക് സര്‍വീസ് നടത്തുന്ന സ്വകാര്യ ബസില്‍നിന്നാണ് കഞ്ചാവ് പിടികൂടിയത്.
കോളജ് ബാഗുപോലുള്ള ഷോള്‍ഡര്‍ ബാഗില്‍ ബ്രൗണ്‍ കവറില്‍ രണ്ടു പൊതിയായാണ് കഞ്ചാവ് സൂക്ഷിച്ചത്. ബസില്‍ ലഗേജ് വെയ്ക്കുന്ന സ്ഥലത്താണ് കഞ്ചാവ് അടങ്ങിയ ബാഗ് പരിശോധനയില്‍ കണ്ടെത്തിയത്. കഞ്ചാവ് കടത്തിയ ആളെ കണ്ടെത്താനായില്ല. അതിര്‍ത്തി പ്രദേശങ്ങളില്‍ എക്‌സൈസ് സംഘം പരിശോശന കര്‍ശനമാക്കിയതോടെ രണ്ടു ദിവസം മുമ്പ് എട്ടു കിലോ തൂക്കം വരുന്ന 600 പാക്കറ്റ് ഹാന്‍സ് പിടികൂടിയിരുന്നു.
കൊല്ലങ്കോട് എക്‌സൈസ് റെയ്ഞ്ച് നടത്തിയ വാഹന പരിശോധനയില്‍ 950 ഗ്രാം കഞ്ചാവ് കഴിഞ്ഞ ദിവസവും പിടിച്ചിരുന്നു.