കൊല്ലം: വില്‍പനയ്ക്കായി സ്‌കൂട്ടറില്‍ കടത്തിക്കൊണ്ടുവന്ന കഞ്ചാവുമായി കോളജ് വിദ്യാര്‍ഥി പിടിയില്‍. കൊല്ലം മേടമുക്ക് ബേഥേല്‍ വീട്ടില്‍ ജോയലിനെയാണ് കൊല്ലം എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ഐ. നൗഷാദിന്റെ നേതൃത്വത്തില്‍ അറസ്റ്റ് ചെയ്തത്. സുഹൃത്ത് തമിഴ്‌നാട്ടില്‍ നിന്നും കൊണ്ടു വരുന്ന കഞ്ചാവ് ജോയലും ചേര്‍ന്ന് വില്‍പന നടത്തുന്നതാണ് രീതി. സുഹൃത്തിനെ കണ്ടെത്തുന്നതിനായി അന്വേഷണം ആരംഭിച്ചു. റെയ്ഡില്‍ സിവില്‍ എക്‌സൈസ് ഓഫിസര്‍മാരായ എവര്‍സന്‍ ലാസര്‍, ദിലീപ്കുമാര്‍, അനീഷ്, രഞ്ജിത്, അനില്‍, ഡ്രൈവര്‍ ദിലീപ് എന്നിവരും പങ്കെടുത്തു.