വേങ്ങര: ആദ്യാക്ഷരം പഠിക്കാന്‍ വിദ്യാലയ മുറ്റത്ത്് കൈപിടിച്ചെത്തുന്ന കുരുന്നുകള്‍ക്ക് പ്രവേശനോത്സവ സമ്മാനമായി പുതിയ കെട്ടിടം ഒരുങ്ങി.
17.5 ലക്ഷം രൂപ ചെലവില്‍ ആധുനിക സൗകര്യങ്ങളോടെ ഒരുക്കിയ ഈ കെട്ടിടം ഇന്ന് വിദ്യാര്‍ഥികള്‍ക്കായി തുറന്നു നല്‍കും. കണ്ണമംഗലം പടപ്പറമ്പ് ജി.എല്‍.പി സ്‌കൂളിലാണ് പഞ്ചായത്ത് പ്രവേശനോത്സവവും പുതിയ കെട്ടിടോദ്ഘാടനവും നടക്കുന്നത്.
രാവിലെ ഒന്‍പതിന് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പഞ്ചായത്ത് പ്രസിഡിന്റ് കെ.പി സരോജിനി, വൈസ് പ്രസിഡന്റ് പൂക്കുത്ത് മുജീബ് മറ്റു ജനപ്രതിനിധികളും സംബന്ധിക്കും.