കോഴിക്കോട്: ജവഹര്‍ലാല്‍ നെഹ്‌റു സര്‍വകലാശാല യൂനിയന്‍ ചെയര്‍മാന്‍ കനയ്യകുമാര്‍ ഇന്നു കോഴിക്കോട്ട്. എ.ഐ.വൈ.എഫ് ദേശീയ നേതൃയോഗങ്ങള്‍ക്ക് തുടക്കം കുറിച്ച് ടാഗോര്‍ ഹാളില്‍ നടക്കുന്ന പരിപാടിയിലാണ് അദ്ദേഹം പ്രസംഗിക്കുക. രാജ്യത്തിന്റെ വിവിധ ഭാഗങ്ങളില്‍ സംഘടിപ്പിക്കപ്പെട്ടിരുന്ന എ.ഐ.വൈ.ഐഫിന്റെ ദേശീയ നേതൃയോഗം ഇതാദ്യമായാണ് കോഴിക്കോട്ട് നടക്കുന്നത്. ഇന്ന് ഉച്ചയ്ക്ക് രണ്ട് മുതല്‍ ദേശീയ വര്‍ക്കിങ് കമ്മിറ്റിയും 2,3 തിയതികളില്‍ ദേശീയ ജനറല്‍ കൗണ്‍സില്‍ യോഗവും കോഴിക്കോട് ഈസ്റ്റ് ഹില്ലിലെ യൂത്ത് ഹോസ്റ്റലില്‍ നടക്കും.