ആനക്കര : കല്ലടത്തൂര്‍ ഗോഖലെ ഹയര്‍സെക്കന്ററി സ്‌ക്കൂളില്‍ സംഘര്‍ഷം അധ്യാപകന് മര്‍ദ്ദനമേറ്റും. സ്‌ക്കൂളിലെ കലോത്സവവുമായി ബന്ധപ്പെട്ട്്് ഹയര്‍സെക്കന്ററി വിഭാഗത്തിലെ വിദ്യാര്‍ത്ഥികള്‍ തമ്മിലുണ്ടായ വാക്ക്്് തര്‍ക്കമാണ് രക്ഷിതാക്കളും നാട്ടുകാരും സ്‌ക്കൂളില്‍ വന്ന്്് അധ്യാപകരുമായി സംഘര്‍ഷകത്തിലേര്‍പ്പെടാന്‍ കാരണമായതെന്ന്്് പാലീസ് പറയുന്നു.
കഴിഞ്ഞ ദിവസം സ്‌ക്കൂള്‍ കലോത്സവത്തില്‍ ഹയര്‍സെക്കന്ററി വിഭാഗത്തിന്റെ കലോത്സവം കഴിഞ്ഞ് പ്ലസ് വണ്‍, പ്ലസ ്ടു വിദ്യാര്‍ത്ഥികള്‍ തമ്മില്‍ വാക്ക് തര്‍ക്കമുണ്ടായിരുന്നു ഇതിനെ തുടര്‍ന്ന് അധ്യാപകര്‍ ഇടപ്പെട്ട് വിദ്യാര്‍ത്ഥികളെ ഗെയിറ്റിന് പുറത്താക്കി ഗെയിറ്റ് അടച്ചിരുന്നു.തുടര്‍ന്ന് പുറത്ത് വെച്ച് വിദ്യാര്‍ഥികള്‍ തമ്മില്‍ വീണ്ടും വാക്ക് തര്‍ക്കമുണ്ടാകുകയും സ്‌ക്കൂളിന് സമീപത്തുളള ക്ലബ്ബിലെ അംഗങ്ങള്‍ സംഭവത്തില്‍ ഇടപ്പെട്ട് വിദ്യാര്‍ത്ഥികളെ മാറ്റി നിര്‍ത്തി എന്നാണ് പറയുന്നത് എന്നാല്‍ ഇതിലെ ഒരു വിദ്യാര്‍ത്ഥിക്ക് മാറ്റി നിര്‍ത്തുന്ന സമയത്ത് ക്ലബ്ബിന്റെ അംഗങ്ങളില്‍ നിന്ന് മര്‍ദ്ദനമേറ്റുവെന്നാണ് പറയുന്നത്. ഇതിനെ തുടര്‍ന്ന് തിങ്കളാഴ്ച്ച നാട്ടുകാരും ചില രക്ഷിതാക്കളും ചേര്‍ന്ന് രാവിലെ 11 മണിയോടെ സ്‌ക്കൂളലെത്തി ഓഫീസ് റൂമിന് സമീപത്ത് വെച്ച് അധ്യാപകരുമായി വാക്ക് തര്‍ക്കമുണ്ടാകുകയും ഇതിനിടെ സ്‌ക്കൂളിലെ ഒരു അധ്യാപകന് മര്‍ദ്ദമേറ്റുവെന്നുമാണ് പറയുന്നത്.
എന്തിനാണ് വിദ്യാര്‍ത്ഥികളെ ഗെയിറ്റിന് പുറത്താക്കി ഗെയിറ്റടച്ച് നാട്ടുകാരെ കൊണ്ട് തല്ലിച്ചതെന്ന് പറഞ്ഞാണ് പ്രശ്‌നമുണ്ടായത്.സംഭവത്തെ തുടര്‍ന്ന് തൃത്താല പോലീസ് സ്ഥലത്തെത്തിയിരുന്നു.സ്‌കൂള്‍ രണ്ട് ദിവസത്തേക്ക് അവധിയും പ്രഖ്യാപിച്ചിട്ടുണ്ട്.