കാബൂള്‍: അഫ്ഗാനില്‍ റോഡരികില്‍ സ്ഥാപിച്ചിരുന്ന ബോംബ് പൊട്ടിത്തെറിച്ച് 34 പേര്‍ കൊല്ലപ്പെട്ടു. ഇരുപതോളം പേര്‍ക്കു പരുക്കേറ്റു. ഓടിക്കൊണ്ടിരിക്കുന്ന ബസില്‍ യാത്രചെയ്തിരുന്നവരാണ് മരിച്ചത്.
ബസ് കാണ്ഡഹാര്‍ ഹൈവേയിലൂടെ സഞ്ചരിക്കവേയായിരുന്നു സ്‌ഫോടനം നടന്നത്. തദ്ദേശ, വിദേശ സുരക്ഷാ സൈനികരെ ലക്ഷ്യമാക്കി താലിബാനാണ് റോഡരികില്‍ ബോംബ് സ്ഥാപിച്ചതെന്നാണ് അധികൃതര്‍ വ്യക്തമാക്കുന്നത്. എന്നാല്‍, കൊല്ലപ്പെട്ടത് സാധാരണക്കാരാണ്. ഇവരില്‍ ഏറെയും സത്രീകളും കുട്ടികളുമാണ്. എന്നാല്‍, ആരോപണം നിഷേധിച്ച് താലിബാന്‍ രംഗത്തെത്തിയിട്ടുണ്ട്. തങ്ങളല്ല സ്‌ഫോടനം നടത്തിയതെന്നും വിഷയം അന്വേഷിക്കുന്നുണ്ടെന്നും താലിബാന്‍ വക്താവ് വ്യക്തമാക്കി.