വടക്കാഞ്ചേരി: കേരളീയ കലകളുടെ സംസ്‌ക്കാര പ്രതീകമായ കഥകളിയുടെ ചാരുത വിദ്യാര്‍ഥികള്‍ക്കു പകര്‍ന്നു നല്‍കി കഥകളി കലാകാരന്മാര്‍.
മുണ്ടത്തിക്കോട് എന്‍.എസ്.എസ് ഹയര്‍ സെക്കന്‍ഡറി സ്‌കൂളില്‍ കേന്ദ്ര സാംസ്‌കാരിക വകുപ്പിന്റെ കീഴിലുള്ള ചെറുതുരുത്തി കഥകളി സ്‌കൂളിന്റെ ആഭിമുഖ്യത്തിലാണ് പഠന ക്ലാസ് സംഘടിപ്പിച്ചത്. കഥകളി സ്‌കൂള്‍ ഡയരക്ടര്‍ കലാമണ്ഡലം ഗോപാലകൃഷ്ണന്‍ ഉദ്ഘാടനം നിര്‍വഹിച്ചു. പി.ടി.എ പ്രസിഡന്റ് ബാബു അധ്യക്ഷനായി. പ്രധാനാധ്യാപിക ഷൈലജ, എല്‍.ആര്‍ രെജി, ശശികുമാര്‍ കൊടക്കാടത്ത് സംസാരിച്ചു. കലാമണ്ഡലം കലാകാരന്മാരായ ഉദയകുമാര്‍, നാരായണന്‍കുട്ടി, ശിവദാസ് തുടങ്ങിയവര്‍ വിവിധ കഥാപാത്രങ്ങളെ അവതരിച്ചു. കലാമണ്ഡലം വിശ്വാസ്, വിവേക്, തുടങ്ങിയവര്‍ സംഗീതത്തിലും ശ്രീഹരി, പ്രശാന്ത്, മുരളി തുടങ്ങിയവര്‍ ചെണ്ട, മദ്ദളം എന്നിവയിലും പക്കമേളമൊരുക്കി.