പാലക്കാട്: എസ്.കെ.എസ്.എസ്.എഫ് പാലക്കാട് ജില്ലാ ഓര്‍ഗാനെറ്റ് സമിതി സംഘടിപ്പിക്കുന്ന 'ചലനം 2018' ഒക്ടോബര്‍ 28 ഞായാഴ്ച അലനല്ലൂരില്‍ നടക്കും. ചെര്‍പ്പുളശ്ശേരി സമസ്ത ജില്ലാ കാര്യാലയത്തില്‍ ചേര്‍ന്ന ഓര്‍ഗാനെറ്റ് ജില്ലാ സമിതി യോഗത്തിലാണ് തീരുമാനമായത്.
ക്ലസ്റ്റര്‍ പ്രസിഡന്റ്, വൈസ് പ്രസിഡന്റ്, ജനറല്‍ സെക്രട്ടറി, ട്രഷറര്‍, വര്‍ക്കിങ് സെക്രട്ടറി എന്നിവരെ പങ്കെടുപ്പിച്ച് രാവിലെ ഒമ്പത് മണി മുതല്‍ ഉച്ചക്ക് ഒരു മണി വരെ നടത്തുന്ന പ്രതിനിധി ക്യാംപില്‍ ജില്ലയിലെ മുഴുവന്‍ ക്ലസ്റ്റര്‍ കമ്മിറ്റി ഭാരവാഹികളെയും പങ്കെടുപ്പിച്ച് നടത്തുന്നത് കൊണ്ട്, വരും നാളുകളില്‍ മേഖലാ കമ്മിറ്റികളെ പോലെ തന്നെ ക്ലസ്റ്റര്‍ കമ്മിറ്റികളുടെയും പ്രവര്‍ത്തനം ഊര്‍ജസ്വലമുള്ളതാക്കുക എന്നതാണ് ലക്ഷ്യമിടുന്നത്. യോഗത്തില്‍ സമിതി സെക്രട്ടറി ഇസ്മായില്‍ ദാരിമി പ്രാര്‍ത്ഥന നടത്തി. ചെയര്‍മാന്‍ സൈനുദ്ദീന്‍ മാസ്റ്റര്‍ ചളിര്‍ക്കാട് അധ്യക്ഷനായി.
എസ്.കെ.എസ്.എസ്.എഫ് ജില്ലാ വര്‍ക്കിങ് സെക്രട്ടറി കുഞ്ഞുമുഹമ്മദ് ഫൈസി ഉദ്ഘാടനം ചെയ്തു. ഹിബത്തുള്ള മാസ്റ്റര്‍ മാരായമംഗലം, സജീര്‍ പേഴുംകര, അബു ഉബൈദ് ഹുദവി അട്ടപ്പാടി, യാസര്‍ അസ്ഹരി അലനല്ലൂര്‍, സ്വാബിര്‍ ചെര്‍പ്പുളശ്ശേരി, ഷെമീര്‍ മണ്ണാര്‍ക്കാട് അബ്ദുറഹ്മാന്‍ ആലത്തൂര്‍, അശറഫ് അലി നെന്മാറ പങ്കെടുത്തു. കണ്‍വീനര്‍ ജാഫര്‍ പേഴുംകര സ്വാഗതവും നിഷാദ് ഒറ്റപ്പാലം നന്ദിയും പറഞ്ഞു.