തിരുവനന്തപുരം: സ്വകാര്യ ബസിന്റ ഡോര്‍ തലയ്ക്കിടിച്ച് പരുക്കേറ്റ എന്‍ജിനിയറിങ് വിദ്യാര്‍ഥിനി മരിച്ചു. വെള്ളല്ലൂര്‍ ഗായത്രി ഭവനില്‍ പരേതനായ ഷാജീസിന്റെയും റീഖയുടേയും മകള്‍ ഗായത്രിയാണ് മരിച്ചത്. നഗരൂര്‍ രാജധാനി എന്‍ജിനീയറിങ് കോളജിലെ അവസാനവര്‍ഷ വിദ്യാര്‍ഥിയാണ്. രാവിലെ നഗരൂരിലെ കോളജ് ജങ്ഷനിലാണ് അപകടം.

കോളജ് ജങ്ഷനില്‍ ബസ് ഇറങ്ങി മുന്നോട്ട് നടന്ന ഗായത്രിയുടെ തലയില്‍ അതേ ബസിന്റെ ഡോര്‍ ഇടിക്കുകയായിരുന്നു. പരുക്കേറ്റ ഗായത്രിയെ വെഞ്ഞാറമൂട്ടിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.