ന്യൂഡല്‍ഹി: ഇറാനുമേല്‍ കൂടുതല്‍ ഉപരോധം ഏര്‍പ്പെടുത്താന്‍ അമേരിക്ക തീരുമാനിച്ചതിനു പിന്നാലെ ഇന്ത്യക്ക് കൂടുതല്‍ അസംസ്‌കൃത എണ്ണ നല്‍കാന്‍ സഊദി തയാറായേക്കും. എണ്ണ ഉല്‍പാദനം വര്‍ധിപ്പിക്കാന്‍ സഊദിയോട് നേരത്തെ തന്നെ അമേരിക്ക ആവശ്യപ്പെട്ടിട്ടുണ്ട്. നിലവിലുള്ളതിന് പുറമെ 40 ലക്ഷം ബാരല്‍ അസംകൃത എണ്ണ സഊദി നല്‍കുമെന്നാണ് പുറത്തുവരുന്ന റിപ്പോര്‍ട്ട്.
ലോകത്തിലെ ഏറ്റവും കൂടുതല്‍ അസംസ്‌കൃത എണ്ണ ഉല്‍പാദക രാജ്യമാണ് സഊദി. ചൈന കഴിഞ്ഞാല്‍ ഇറാനില്‍നിന്ന് ഏറ്റവും കൂടുതല്‍ എണ്ണ ഇറക്കുമതി ചെയ്യുന്ന രാജ്യമാണ് ഇന്ത്യ. അടുത്ത മാസം നാലുമുതലാണ് ഇറാനുമേല്‍ അമേരിക്ക ഉപരോധം ഏര്‍പ്പെടുത്തുമെന്ന് അറിയിച്ചിട്ടുള്ളത്.