ലണ്ടന്‍: സെന്റര്‍ ബാക്കിനെ തേടിയുള്ള മാഞ്ചസ്റ്റര്‍ യുനൈറ്റഡിന്റെ തിരച്ചിലിന് അവസാനമായി. ലെസ്റ്റര്‍ സിറ്റിയുടെ സൂപ്പര്‍ താരം ഹാരി മഗ്വയറിനെ ടീമിലെത്തിച്ചതോടെയാണ് യുനൈറ്റഡിന്റെ സെന്റര്‍ ബാക്കിനുള്ള അന്വേഷണം അവസാനിച്ചത്. 80 മില്യന്‍ യൂറോ നല്‍കിയാണ് മഗ്വയറിനെ യുനൈറ്റഡ് ടീമിലെത്തിച്ചിട്ടുള്ളത്. നീണ്ട@ ചര്‍ച്ചകള്‍ക്ക് ശേഷമാണ് 80 മില്യന്‍ യൂറോക്ക് താരത്തെ വിട്ടു നല്‍കാന്‍ ലെസ്റ്റര്‍ തീരുമാനിച്ചത്. ഇന്ന് താരത്തിന്റെ മെഡിക്കലും മറ്റു നടപടിക്രമങ്ങളും പൂര്‍ത്തിയാകും. അതിനു ശേഷം മാത്രമേ ഔദ്യോഗിക പ്രഖ്യാപനം ഉ@ണ്ടാവുകയുള്ളൂ. ഒരു പ്രതിരോധ താരത്തിന് നല്‍കുന്ന ഏറ്റവും വലിയ തുകയാണ് 80 മില്യന്‍ യൂറോ. കഴിഞ്ഞ സീസണില്‍ മാഞ്ചസ്റ്റര്‍ യുനൈറ്റഡിന്റെ പ്രതിരോധം അവരുടെ ചരിത്രത്തിലെ തന്നെ ഏറ്റവും മോശം ഫോമിലായിരുന്നു. മാഞ്ചസ്റ്റര്‍ യുനൈറ്റഡിന്റെ ചരിത്രത്തില്‍ ഏറ്റവും കൂടുതല്‍ ഗോള്‍ വഴങ്ങിയ സീസണായിരുന്നു കഴിഞ്ഞത്. ഇതു കാരണം പ്രതിരോധം ശക്തിയാക്കുന്നതിന്റെ ഭാഗമായാണ് താരത്തെ ടീമിലെത്തിച്ചിട്ടുള്ളത്.
മഗ്വയര്‍ കൂടി എത്തിയാല്‍ മികച്ച പ്രതിരോധ നിരയായി യുനൈറ്റഡ് മാറും. വാന്‍ ബിസാക, മഗ്വയര്‍, ലിന്‍ഡെലോഫ്, ലൂക് ഷോ എന്നിവരാകും മാഞ്ചസ്റ്റര്‍ യുനൈറ്റഡിന്റെ ഡിഫന്‍സീവ് ഫോര്‍.