ന്യൂഡല്‍ഹി: ഇന്ത്യന്‍ ക്രിക്കറ്റ് ടീം പരിശീലക സ്ഥാനത്തേക്ക് മുന്‍ ഓപണര്‍ വീരേന്ദര്‍ സെവാഗും അപേക്ഷ സമര്‍പ്പിച്ചു. സെവാഗിന് പുറമേ മുന്‍ ഇന്ത്യന്‍ പേസര്‍ ദൊഡ്ഡ ഗണേഷ്, മുന്‍ ഇന്ത്യന്‍ എ ടീം പരിശീലകന്‍ ലാല്‍ചന്ദ് രജപുത് എന്നിവരും അപേക്ഷിച്ചിട്ടുണ്ട്. മുന്‍ ഓസീസ് താരം ടോം മൂഡി, ഇംഗ്ലീഷ് താരം റിച്ചാര്‍ഡ് പൈബസ് എന്നിവരും അപേക്ഷിച്ചവരില്‍ പെടുന്നു. നിലവിലെ കോച്ച് കുംബ്ലെയടക്കം ആറ് പേരാണ് സ്ഥാനത്തിനായി രംഗത്തുള്ളത്. മൂഡിയും രജപുതും കഴിഞ്ഞ തവണയും ഇന്ത്യന്‍ പരിശീലകനാകാന്‍ അപേക്ഷ നല്‍കിയിരുന്നു. നിലവിലെ പരിശീലകന്‍ കുംബ്ലെയുടെ കരാര്‍ ഈ മാസം 20ഓടെ അവസാനിക്കും. സച്ചിന്‍ ടെണ്ടുല്‍ക്കര്‍, സൗരവ് ഗാംഗുലി, വി.വി.എസ് ലക്ഷ്മണ്‍ എന്നിവരും താത്കാലിക ഭരണ സമിതിയിലെ ഒരംഗവും ചേര്‍ന്ന കമ്മിറ്റിയാണ് കോച്ചിനെ തിരഞ്ഞെടുക്കുക.