റിയാദ്: ഇന്ന് രാത്രി 11.30ന് മുന്‍ ലോക ചാംപ്യന്‍മാരായ ബ്രസീല്‍ സഊദി അറേബ്യയുമായി ഏറ്റുമുട്ടും. കിങ് സഊദ് യൂനിവേഴ്‌സിറ്റി സ്റ്റേഡിയത്തിലാണ് മത്സരം. ബ്രസീലിനായി കുട്ടിഞ്ഞോ, ഫിര്‍മീഞ്ഞോ, സൂപ്പര്‍ താരം നെയ്മര്‍, റയല്‍ മാഡ്രിഡ് താരം കാസാമിറോ എന്നിവര്‍ മത്സരിക്കാനിറങ്ങുന്നുണ്ട്.
അതേസമയം, പരുക്കേറ്റ റയല്‍മാഡ്രിഡ് താരം മാഴ്‌സലോ ടീമിലില്ല. ചരിത്ര മത്സരത്തിനൊരുങ്ങുന്ന സഊദി മികച്ച ടീമുമായിട്ടാണ് ഇന്നിറങ്ങുന്നത്. ലോകകപ്പ് സംഘത്തെ നിലനിര്‍ത്തുകയും മൂന്ന് യുവതാരങ്ങളെ ടീമില്‍ ഉള്‍പ്പെടുത്തുകയും ചെയ്തിട്ടുണ്ട്.
ഈ മാസം 16നാണ് അര്‍ജന്റീനയും ബ്രസീലും തമ്മിലുള്ള മത്സരം. ബാഴ്‌സലോണ താരം ലയണല്‍ മെസ്സി ഇല്ലാതെയാണ് അര്‍ജന്റീന ബ്രസീലിനെതിരേ ഇറങ്ങുന്നത്.