കേപ് ടൗണ്‍: ലോകകപ്പിലെ മോശം ഫോമിന്റെ പേരില്‍ അഴിച്ചുപണി ദക്ഷിണാഫ്രിക്ക നടത്തുന്നു. ടീമിന്റെ മുഖ്യപരിശീലകന്‍ ഓട്ടിസ് ഗിബസനെ പുറത്താക്കിയാണ് ടീം മാറ്റത്തിന് തുടക്കമിട്ടത്.
മുന്‍പ് ഇംഗ്ലണ്ടിന്റെ ബൗളിങ് പരിശീലകനായ ഗിബ്‌സന്‍ 2017 ഒക്ടോബറിലാണ് ദക്ഷിണാഫ്രിക്കയുടെ മുഖ്യ പരിശീലക വേഷമണിഞ്ഞത്.
ലോകകപ്പില്‍ ഒന്‍പത് മത്സരത്തില്‍ നിന്ന് വെറും മൂന്നു ജയമാണ് സ്വന്തമാക്കാന്‍ കഴിഞ്ഞത്. മുഖ്യ പരിശീലകനായുള്ള റോളില്‍ കാലാവധി സെപ്തംബറില്‍ അവസാനിക്കാനിരിക്കെയാണ് മുന്‍ വെസ്റ്റ് ഇന്‍ഡീസ് ബൗളറായ ഗിബ്‌സനെ പുറത്താക്കിയത്. പുതിയ പരിശീലകനെ സെപ്തംബറില്‍ നിയമിക്കുമെന്നാണ് ടീം വൃത്തങ്ങള്‍ സൂചിപ്പിക്കുന്നത്.