ന്യൂഡല്‍ഹി: ഡല്‍ഹിയില്‍ കെട്ടിടത്തിന് തീപിടിച്ച് ആറു പേര്‍ മരിച്ചു. മരിച്ചവരില്‍ രണ്ടു കുട്ടികളുമുണ്ട്. സൗത്ത്ഈസ്റ്റ് ഡല്‍ഹിയിലാണ് സംഭവം.

ജാമിഅ മില്ലിയ യൂനിവേഴ്‌സിറ്റിക്കു സമീപം ആളുകള്‍ തിങ്ങിപ്പാര്‍ക്കുന്ന സാക്കിര്‍ നഗറിലെ നാലു നില കെട്ടിടത്തിനാണ് തീപിടിച്ചത്. രാത്രി രണ്ടു മണിയോടെയാണ് അപകടം. ഒരു വൈദ്യുത പെട്ടിയില്‍ നിന്നാണ് തീപിടുത്തമുണ്ടായതെന്നാണ് പ്രാഥമിക നിഗമനം.

മരിച്ചവരില്‍ രണ്ടു കുട്ടികളുമുണ്ട്. 11 പേര്‍ക്ക് പരുക്കേറ്റിട്ടുണ്ട്. രക്ഷപ്പെടാന്‍ വേണ്ടി കെട്ടിടത്തില്‍ നിന്നു ചാടിയ ചിലരും പരുക്കേറ്റവരിലുണ്ട്. ഏഴ് കാറുകളും എട്ട് മോട്ടോര്‍സൈക്കിളുകളും അഗ്നിക്കിരയായിട്ടുണ്ട്.