കയ്പമംഗലം: സംസ്ഥാന സര്‍ക്കാരിന്റെ ആര്‍ദ്രം പദ്ധതിയുടെ ഭാഗമായി മതിലകം പഞ്ചായത്തിലെ കൂളിമുട്ടം പ്രാഥമികാരോഗ്യ കേന്ദ്രത്തെ കുടുംബാരോഗ്യ കേന്ദ്രമാക്കി ഉയര്‍ത്തി.
ഇന്നസെന്റ് എം.പി കുടുംബാരോഗ്യ കേന്ദ്രത്തിന്റെ ഉദ്ഘാടനം നിര്‍വഹിച്ചു. ഇ.ടി ടൈസണ്‍ എം.എല്‍.എ അധ്യക്ഷനായി. മുന്‍ എം.എല്‍.എയുടെ ആസ്തി വികസന ഫണ്ടില്‍ നിന്നും അനുവദിച്ച 53 ലക്ഷം രൂപ ചിലവഴിച്ച് നിര്‍മിച്ച ഒ.പി കെട്ടിടത്തിന്റെ ഉദ്ഘാടനം കൃഷി വകുപ്പ് മന്ത്രി വി.എസ് സുനില്‍കുമാര്‍ നിര്‍വഹിച്ചു.
ഞായറാഴ്ചയുള്‍പ്പെടെ എല്ലാ ദിവസവും രാവിലെ 9.30 മുതല്‍ വൈകിട്ട് 6.30 വരെ ഒ.പി സേവനം ലഭിക്കുമെന്നതാണ് പ്രത്യേക. കുടാതെ ലാബ് ഇ.സി.ജി സൗകര്യവുമുണ്ടാകും. രണ്ട് ഡോക്ടര്‍മാരാണ് നിലവില്‍ കേന്ദ്രത്തിലുള്ളത്. ഇതിനുപുറമേ പഞ്ചായത്ത് ഒരു ഡോക്ടറേക്കൂടി നിയമിക്കും. ജില്ലയിലെ 16ാമത്തെ കുടുബാരോഗ്യ കേന്ദ്രമാണ് കൂളിമുട്ടത്ത് പ്രവര്‍ത്തനം ആരംഭിച്ചത്.