തിരുവനന്തപുരം: ശബരിമലയിലെ ആചാരാനുഷ്ഠാനങ്ങള്‍ സംരക്ഷിക്കുന്നതിനും രാജ്യത്തെ ക്ഷേത്രങ്ങള്‍ സര്‍ക്കാരുകളുടെ നിയന്ത്രണത്തില്‍നിന്ന് മോചിപ്പിക്കുന്നതിനും ഓര്‍ഡിനന്‍സ് ഇറക്കാന്‍ കേന്ദ്ര സര്‍ക്കാരിനോട് ആവശ്യപ്പെടുമെന്ന് അന്താരാഷ്ട്ര ഹിന്ദു പരിഷത്ത് ദേശീയ അധ്യക്ഷന്‍ പ്രവീണ്‍ തൊഗാഡിയ.
അന്താരാഷ്ട്ര ഹിന്ദു പരിഷത്തിന്റെ നേതൃത്വത്തില്‍ പന്തളത്ത് നിന്നാരംഭിച്ച ശബരിമല രക്ഷായാത്രയുടെ സമാപന സമ്മേളനം ക്ലിഫ് ഹൗസിന് മുന്നില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്ത്രീ പ്രവേശനവുമായി ബന്ധപ്പെട്ട സുപ്രിംകോടതി ഉത്തരവിനെതിരേ സംസ്ഥാന സര്‍ക്കാര്‍ പുനഃപരിശോധനാ ഹരജി നല്‍കണം.
മുഖ്യമന്ത്രിയുമായി അടുത്തദിവസം ഹിന്ദുപരിഷത്തിന്റെ പ്രവര്‍ത്തകര്‍ ചര്‍ച്ച നടത്തും. നടപടിയുണ്ടായില്ലെങ്കില്‍ പ്രതിഷേധത്തിന്റെ തുടക്കമെന്ന നിലയില്‍ 17 ന് രാത്രി മുതല്‍ 18ന് രാത്രി വരെ കേരളത്തില്‍ ഹര്‍ത്താല്‍ നടത്തുമെന്നും തൊഗാഡിയ പറഞ്ഞു.