മുള്ളേരിയ (കാസര്‍കോട്): അഡൂരില്‍ നിര്‍മാണത്തിലിരിക്കുന്ന വീട്ടില്‍ അഞ്ച് ദിവസത്തോളം പഴക്കമുള്ള അജ്ഞാത മൃതദേഹം കണ്ടെത്തി. അഡൂര്‍ സ്‌കൂളിന് പിന്‍വശം ദേരടുക്ക റോഡില്‍ ഇരുവുഞ്ചിയിലെ പ്രവാസിയുടെ പണിതീരാത്ത ഇരുനില വീട്ടിലാണ് മൃതദേഹം കണ്ടെത്തിയത്.
ദുര്‍ഗന്ധം വമിച്ചതിനെ തുടര്‍ന്ന് നാട്ടുകാര്‍ നടത്തിയ തിരച്ചിലിലാണ് മൃതദേഹം കണ്ടത്. മൃതദേഹത്തിനരികില്‍നിന്ന് അബ്ദുല്‍ ലത്തീഫ്, പെരിന്തല്‍മണ്ണ, മലപ്പുറം എന്ന് രേഖപ്പെടുത്തിയ ആധാര്‍ കാര്‍ഡ് കണ്ടെത്തിയിട്ടുണ്ട്.