കണ്ണൂര്‍: കണ്ണൂര്‍ നഗരത്തിലൂടെ നടന്നു പോകുന്നവര്‍ക്ക് എന്തു സംഭവിക്കുമെന്ന് ആര്‍ക്കും പറയാന്‍ കഴിയില്ല.
റോഡിന്റെ ശോച്യാവസ്ഥ കാല്‍നടയാത്രക്കാരുടെ സഞ്ചാരത്തെപ്പോലും അപകടത്തിലാക്കിയിരിക്കുകയാണ്. നടപ്പാതയ്ക്ക് സമീപമുള്ള കുഴികള്‍ വലിയ ഗുഹകളായി രൂപപ്പെട്ടിരിക്കുകയാണ്.ഇതില്‍ അറിയാതെ വീണാല്‍ കാലൊടിഞ്ഞതു തന്നെ. ചെറുവാഹനക്കാരും ഇതില്‍ വീഴാറുണ്ട്. കാള്‍ടെക്‌സിന് സമീപം ട്രെയിനിങ് സ്‌കൂള്‍ ഇത്തരം കുഴികള്‍ കൂടുതല്‍ അപകടകരമാണ്.
അരമീറ്ററോളം ആഴത്തിലാണ് ഇവിടെ കുഴിയുള്ളത്.
നിത്യവും ഇതുവഴി നൂറുകണക്കിനാളുകള്‍ നടന്നുപോകാറുണ്ട്. ഭാഗ്യംകൊണ്ടു മാത്രമാണ് യാത്രക്കാര്‍ ഇതില്‍ വീഴാതെ രക്ഷപ്പെടുന്നത്. നഗരത്തിലെ ഏറ്റവും തിരക്കേറിയ ഭാഗങ്ങളിലൊന്നാണിത്. വലുതും ചെറുതുമായ നിരവധി വാഹനങ്ങളാണ് ഇതുവഴി കടന്നു പോകുന്നത്. വാഹനങ്ങള്‍ ദേഹത്ത് തട്ടാതിരിക്കാന്‍ റോഡരികിലേക്ക് മാറി നടക്കുമ്പോഴാണ്് മിക്കവാറും യാത്രക്കാര്‍ കുഴിയില്‍ ചാടുന്നത്.
നടപ്പാത വഴി പോകുമ്പോഴും കണ്ണൊന്ന് തെറ്റിയാല്‍ ആഴമുള്ള കുഴിയിലേക്കാണ് വീഴുക.കുഴി നികത്തി അപകടഭീഷണി ഇല്ലാതാക്കണമെന്നാണ് യാത്രക്കാരുടെ ആവശ്യം