ആനക്കര : പരിസ്ഥിതി ദിനത്തില്‍ സ്‌കൂളിലേക്ക് ആവശ്യമായ വൃക്ഷതെകള്‍ കിട്ടിയില്ല. വിദ്യാര്‍ഥികള്‍ വീട്ടില്‍ നിന്ന് വൃക്ഷതൈകള്‍ കൊണ്ടുവന്നു നട്ടു. ആനക്കര സ്വാമിനാഥ വിദ്യാലയം(ഡയറ്റ് ലാബ് സ്‌കൂളില്‍) ആയിരത്തിലേറെ വിദ്യാര്‍ഥികള്‍ പഠിക്കുന്ന ജില്ലയിലെ പ്രധാന സ്‌കൂളിലേക്ക് ആനക്കര പഞ്ചായത്തില്‍ നിന്ന് ലഭിച്ചത് 40 വൃക്ഷതൈകളാണ് ഒരു ക്ലാസിന് ഒരു മരമെന്ന തോതില്‍ പോലും വൃക്ഷതൈ നടാന്‍ ഇത് തികയില്ലന്നറിഞ്ഞതോടെയാണ് വിദ്യാര്‍ഥികള്‍ വീട്ടില്‍ നിന്ന് വൃക്ഷ തൈകളും പൂച്ചെടികളും കൊണ്ടുവരാന്‍ കാരണമായത്. പരിസ്ഥിതി ദിനത്തിന്റെ ഭാഗമായി സ്‌കൂളില്‍ ശലഭോദ്യാനം നിര്‍മ്മിച്ചു. ഇതിലേക്ക് പ്രീപ്രൈമറി വിദ്യാര്‍ഥികള്‍ മുതല്‍ അധ്യാപകര്‍വരെ പൂച്ചെടികള്‍ കൊണ്ടുവന്നു. സ്‌കൂളിലെ പരിസ്ഥിതിദിനാഘോഷം വൃക്ഷതൈനട്ട് ആനക്കര പഞ്ചായത്ത് പ്രസിഡന്റ് സിന്ധുരവീന്ദ്രകുമാര്‍ ഉദ്ഘാടനം ചെയ്തു. ശലഭോദ്യാനത്തിലെ പൂച്ചെടിവെയ്ക്കല്‍ ഡയറ്റ് പ്രിന്‍സിപ്പാള്‍ ഇ.കെ.ലീന നിര്‍വഹിച്ചു. വാര്‍ഡ് മെമ്പര്‍ വത്സല വിശ്വനാഥന്‍, പി.ടി.എ പ്രസിഡന്റ് ഷറഫുദ്ദീന്‍ കളത്തില്‍, ഡയറ്റ് ലക്ച്ചറര്‍ മുഹമ്മദ് ഇഖ്ബാല്‍, ഹെഡ്മാസ്റ്റര്‍ ഇന്‍ചാര്‍ജ് മണികണ്ഠന്‍, ബിന്‍സി, സി.കെ.ശശി പച്ചാട്ടിരി, എം.ടി.എ പ്രസിഡന്റ് രേഖ, സുബ്രഹ്മണ്യന്‍, ബിനുകുമാര്‍ സംബന്ധിച്ചു.