ഫറോക്ക്: ഫാറൂഖ് കോളജിലുണ്ടായ വിദ്യാര്‍ഥി സംഘര്‍ഷത്തില്‍ നാല് എം.എസ്.എഫ് പ്രവര്‍ത്തകര്‍ക്ക് പരുക്ക്.
ഫാറൂഖ് കോളജ് യൂനിറ്റ് എം.എസ്.എഫ് പ്രസിഡന്റ് മസ്ഹൂദ് (21), സെക്രട്ടറി മുര്‍ഷിദ് (20), അനീസ് (20), ഷംസീര്‍ (22) എന്നിവര്‍ക്കാണ് പരുക്കേറ്റത്. ഇവരെ ഫറോക്ക് ചുങ്കത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
ഇന്നലെ രാവിലെ പതിനൊന്നരയോടെയാണ് സംഭവം. യാതൊരു പ്രകോപനവുമില്ലാതെ ഡി.വൈ.എഫ്.ഐയുടെ നേതൃത്വത്തില്‍ പുറത്തുനിന്ന് മാരാകായുധവുമായി എത്തിയ ആളുകള്‍ കോംപൗണ്ടില്‍ കയറി എം.എസ്.എഫ് പ്രവര്‍ത്തകരെ തിരഞ്ഞുപിടിച്ചു മര്‍ദിക്കുകയായിരുന്നുവെന്നു എം.എസ്.എഫ് ആരോപിച്ചു. സംഘര്‍ഷം തുടങ്ങി മണിക്കൂറുകള്‍ പിന്നിട്ടതിനു ശേഷമാണ് പൊലിസ് എത്തിയതെന്നു വിദ്യാര്‍ഥികള്‍ ആരോപിച്ചു. സംഭവത്തില്‍ രണ്ട് എസ്.എഫ്.ഐ പ്രവര്‍ത്തകര്‍ക്കെതിരേ കേസെടുത്തു.