പെരിന്തല്‍മണ്ണ: പരിസ്ഥിതി സംരക്ഷണത്തിന്റെ സന്ദേശം പകര്‍ന്ന് തൈ നടീല്‍ നടത്തുന്നതോടൊപ്പം തുടര്‍ന്നുള്ള പരിചരണത്തിനും പ്രാധാന്യം കൊടുക്കണമെന്ന് സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ.കെ ആലിക്കുട്ടി മുസ്‌ലിയാര്‍ ആവശ്യപ്പെട്ടു. 'തൈ നടാം ജീവന്‍ നേടാം' എന്ന സന്ദേശവുമായി എസ്.കെ.എസ്.എസ്.എഫ് പരിസ്ഥിതി ദിനാചരണം പെരിന്തല്‍മണ്ണയില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഓരോ പരിസ്ഥിതി ദിനത്തിലും പൊതു സ്ഥലങ്ങളിലും മറ്റും ലക്ഷക്കണക്കിന് വൃക്ഷത്തൈകള്‍ നട്ടുപിടിപ്പിക്കാറുണ്ട്. എന്നാല്‍ തുടര്‍ന്നുള്ള സംരക്ഷണത്തിനും പരിചരണത്തിനും സമൂഹം പ്രാധാന്യം നല്‍കണമെന്നും അദ്ദേഹം പറഞ്ഞു. സംസ്ഥാന സെക്രട്ടറി പി.എം റഫീഖ് അഹ്മദ് അധ്യക്ഷനായി.  സയ്യിദ് മുഹമ്മദ് കോയ തങ്ങള്‍ പാതായ്ക്കര, ശമീര്‍ ഫൈസി ഒടമല, എം.ടി ഉമര്‍ദാരിമി, ഡോ.അബ്ദു റഹിം കൊടശ്ശേരി, പ്രൊഫ.സലാഹുദ്ദീന്‍ വാഫി, ശംഷാദ് സലിം നിസാമി, ഉസ്മാന്‍ ഫൈസി അരിപ്ര, ജംഷീദ് തുറക്കല്‍, ജാസിര്‍ പടിഞ്ഞാറ്റു മുറി, കെ.ടി മുഹമ്മദ് ഹാജി, കെ. ജുനൈദ് പാറക്കണ്ണി,  സലീല്‍ പാതായ്ക്കര, റശീദ് മേലാറ്റൂര്‍ സംബന്ധിച്ചു.