പാണാവള്ളി: പ്രദീപിന് ഇത് സ്വപ്ന സാക്ഷാത്കാരം. നിര്‍ദ്ധന കുടുംബമായ പാണാവള്ളി പതിനെട്ടാം വാര്‍ഡ് വടക്കേ കളത്തില്‍ പ്രദീപിനും കുടുംബത്തിനും വീടാകുന്നു. സര്‍ക്കാര്‍ ലൈഫ് മിഷന്‍ പദ്ധതിയിലൂടെ നിര്‍മിക്കുന്ന വീടിന്റെ വാര്‍ക്കല്‍ ചടങ്ങ് കഴിഞ്ഞ സന്തോഷത്തിലാണ് പ്രദീപും കുടുംബവും.
കൂലിപ്പണിക്കാരനായ പ്രദീപും ഭാര്യ ഷീബയും രണ്ടു പെണ്മക്കളും അമ്മയും ഷീറ്റ് കൊണ്ടുമറച്ച ഒറ്റമുറി ഷെഡിലായിരുന്നു കഴിഞ്ഞിരുന്നത്. ലൈഫ് മിഷന്‍ വഴിയുള്ള വീട് ഏറ്റവും അര്‍ഹനായ വ്യക്തിക്ക് തന്നെ ലഭിക്കുന്നതില്‍ അഭിമാനമുണ്ടെന്ന്് പാണാവള്ളി ഗ്രാമപഞ്ചായത്ത് പ്രസിഡന്റ് രാജേഷ് വിവേകാനന്ദ പറഞ്ഞു.
ലൈഫ് മിഷന്‍ പദ്ധതിയില്‍ ഉള്‍പ്പെടുത്തി പാണാവള്ളി ഗ്രാമപഞ്ചായത്തില്‍ 340 വീടുകളാണ് നിര്‍മിക്കുന്നത്. 213 വീടുകളുടെ നിര്‍മാണം ആരംഭിച്ചു.
ആദ്യ ഗഡുവായ 40000 രൂപ എല്ലാവര്‍ക്കും നല്‍കി. അടുത്ത ഗഡുവിനായി സര്‍ക്കാര്‍ നിര്‍ദേശ പ്രകാരം ഹഡ്‌കോയുമായി കരാറില്‍ ഒപ്പുവെച്ചു.