പരപ്പനങ്ങാടി: ചിറമംഗലം മേഖലാ മുസ്‌ലിം ലീഗ് പ്രവര്‍ത്തകര്‍ രൂപീകരിച്ച ശിഹാബ് തങ്ങള്‍ ചാരിറ്റി സെന്റര്‍ ഉദ്ഘാടനം സയ്യിദ് പി എസ് എച്ച്  തങ്ങള്‍ നിര്‍വഹിച്ചു. എം വി ഹസ്സന്‍കോയ മാസ്റ്റര്‍ അധ്യക്ഷനായി .ശിഹാബ് തങ്ങള്‍ ഫൗണ്ടേഷന്‍ ചെയര്‍മാന്‍ കടവത്ത് സൈതലവി കാരുണ്യസന്ദേശം നല്‍കി.നിര്‍ധന വിദ്യാര്‍ഥികള്‍ക്കുള്ള പഠനോപകരണ വിതരണം തങ്ങള്‍ നിര്‍വഹിച്ചു .
ഉന്നത വിജയികള്‍ക്കുള്ള ഉപഹാരം ഉമ്മര്‍ ഒട്ടുമ്മലും മികച്ച ജീവകാരുണ്യ പ്രവര്‍ത്തകര്‍ക്കുള്ള ഉപഹാരം വി സി പി ബാവഹാജിയും നല്‍കി.മേഖലാ മുസ്‌ലിം ലീഗ് കമ്മിറ്റിയുടെ ലോക പരിസ്ഥിതി ദിനാചരണത്തോടനുബന്ധിച്ച് നടത്തിയ ''പരിസ്ഥിതി-ഇസ്‌ലാമിക പരിപ്രേക്ഷ്യം'' പുസ്തക വിതരണോദ്ഘാടനം കഥാകൃത്ത് റഷീദ് പരപ്പനങ്ങാടി ശങ്കരാജന്‍ മാസ്റ്റര്‍ക്ക് നല്‍കി നിര്‍വ്വഹിച്ചു.പി വി കുഞ്ഞിമരക്കാര്‍,പി അലിഅക്ബര്‍,നവാസ് ചിറമംഗലം,പി വി ശൈഖാലി ഹാജി,എ അഹമ്മദ്കുട്ടി ഹാജി,കൗണ്‍സിലര്‍ യു പി ഹരിദാസന്‍,എന്‍ വി പി മുഹമ്മദ് ഹാജി,മുസ്തഫ തറയില്‍,മുഹമ്മദലി ചാത്തേരി,ഇസ്മായില്‍ കളത്തിങ്ങല്‍,സാബിര്‍ കല്ലന്‍,ഷമീം പൂരപ്പുഴ,ഉസ്മാന്‍ ചാത്തേരി സംസാരിച്ചു.