കൂത്താട്ടുകുളം: കുട്ടികള്‍ കണ്ടെത്തി ശേഖരിച്ച ആയിരത്തിലേറെ സസ്യങ്ങള്‍ കൊണ്ട് ജൈവവൈവിധ്യ ഉദ്യാനം തീര്‍ത്ത് കൂത്താട്ടുകുളം ഗവ. യു.പി സ്‌കൂളിലെ പരിസ്ഥിതി ദിനാചരണവും മഴക്കൊയ്ത്തുത്സവും. ശലഭപാര്‍ക്കിലേക്കുള്ള പതിനഞ്ചിനം സസ്യങ്ങള്‍, വിവിധയിനം പുല്ലുകള്‍, എരുക്ക്, ദശപുഷ്പങ്ങള്‍, ഔഷധസസ്യങ്ങള്‍ മുതല്‍, നിലപ്പന,കരിമ്പന ഉള്‍പ്പെടെയുള്ളവയാണ് കുട്ടികള്‍ രണ്ട് ദിവസം കൊണ്ട് രക്ഷിതാക്കളുടെ സഹായത്തോടെ ശേഖരിച്ചത്. മുത്തച്ഛന്‍മാരുടെയും മുത്തശ്ശിമാരുടെയും സഹായത്തോടെ സസ്യങ്ങളുടെ പേരുകളും ഗുണങ്ങളും എഴുതി കൊണ്ടു വന്നിരുന്നു.
സ്‌കൂള്‍ ജൈവവൈവിധ്യ പാര്‍ക്ക് പദ്ധതിയുടെയും ശലഭപാര്‍ക്കിന്റെയും മക്കൊയ്ത്തുത്സവത്തിന്റെയും ഉദ്ഘാടനം വിദ്യാഭ്യാസ കാര്യ സമിതി അധ്യക്ഷന്‍ സി.എന്‍ പ്രഭകുമാര്‍ ഉദ്ഘാടനം ചെയ്തു.
കൗണ്‍സിലര്‍ പി.സി ജോസ് അധ്യക്ഷനായി. എ.ഇ.ഒ ശശിധരന്‍, ബി.പി.ഒ കെ.എം സുജാത, പി.ടി.എ പ്രസിഡന്റ് പി എം രാജു  ഹെഡ്മിസ്ട്രസ് ആര്‍ വത്സലാ ദേവി, കെ വി ബാലചന്ദ്രന്‍ ,സി കെ ജയന്‍, എന്‍.എം ഷീജ എന്നിവര്‍ സംസാരിച്ചു.