മാള: മണ്ണില്‍ പൊന്ന് വിളയിക്കാന്‍ എന്‍.എസ്.എസ് വിദ്യാര്‍ഥികള്‍. മാള സൊക്കോര്‍സൊ ഹയര്‍ സെക്കന്‍ഡറി  സ്‌കൂളിലെ  നാഷ്ണല്‍  സര്‍വ്വീസ്  സൊസൈറ്റിയില്‍ അംഗങ്ങളായ വിദ്യാര്‍ഥികളും പുളിയിലക്കുന്ന് സെന്റ്  ജോസഫ്  ഏജ്ഡ് ഹോമും ചേര്‍ന്ന്  മാള കൃഷിഭവന്റെ നേതൃത്വത്തിലാണ്  മണ്ണില്‍ പൊന്ന് വിളയിക്കാനായി കര നെല്‍കൃഷിആരംഭിച്ചിരിക്കുന്നത്.
അഷ്ടമിച്ചിറ  പുളിയിലക്കുന്ന്  പ്രദേശത്ത് ആരംഭിച്ച കരനെല്‍കൃഷിയുടെ വിത്തിറക്കല്‍  ഉദ്ഘാടനം  മാള ഗ്രാമപഞ്ചായത്ത് പ്രസിഡന്റ് പികെ  സുകുമാരന്‍  നിര്‍വ്വഹിച്ചു. അമ്പഴക്കാട്  ഫെറോന  വികാരി ഫാദര്‍ പോളി പടയാട്ടി, വാര്‍ഡ് മെമ്പര്‍  ഗൗരിടീച്ചര്‍, സൊക്കോര്‍സൊ ഹയര്‍ സെക്കന്ററി  പ്രിന്‍സിപ്പാള്‍  സിസ്റ്റര്‍ ലയ, വൃദ്ധ സദനം സുപ്പീരിയര്‍ സിസ്റ്റര്‍ ആന്‍സി സംസാരിച്ചു.
പ്രോഗ്രാം ഓഫിസര്‍ ജില്‍സ സ്വാഗതവും എന്‍.എസ്.എസ് ലീഡര്‍ എയ്ഞ്ചല്‍ റോസ് ചക്യേത്ത് നന്ദിയും പറഞ്ഞു.