ആലപ്പുഴ: ആലപ്പുഴ പുന്നപ്രയില്‍ ശക്തമായ കടലാക്രമണത്തില്‍ നിരവധി നാശനഷ്ടങ്ങള്‍. കടലാക്രമണത്തില്‍ 12 വള്ളങ്ങള്‍ നശിക്കുകയും മൂന്നു വള്ളങ്ങള്‍ കാണാതാവുകയും ചെയ്തു. ഇന്നലെ രാത്രിയാണ് കടലാക്രമണം രൂക്ഷമായത്. കടലാക്രമണത്തില്‍ ബോട്ടുകളുടെ എഞ്ചിനുകളും നഷ്ടപ്പെട്ടു. ചള്ളി, ബിയ്യാനി കടപ്പുറത്താണ് വള്ളങ്ങള്‍ തകര്‍ന്നത്.
എന്നാല്‍, സംഭവത്തില്‍ സര്‍ക്കാര്‍ നടപടിയെടുക്കുന്നില്ലെന്നാരോപിച്ച് മല്‍സ്യത്തൊഴിലാളികള്‍ ദേശീയപാത ഉപരോധിക്കുന്നു. ഉപരോധം മൂലം കിലോമീറ്ററുകളോളം നീളത്തില്‍ ഗതാഗതക്കുരുക്കാണ് ആലപ്പുഴയില്‍.