ആലത്തൂര്‍: തൃപ്പാളൂരില്‍ എസ്.ബി.ഐ എ.ടി.എം കൗണ്ടറില്‍ കവര്‍ച്ചാ ശ്രമം. വ്യാഴാഴ്ച്ച പുലര്‍ച്ചെയാണ് സംഭവം. എ.ടി.എം തകര്‍ത്ത പ്രതികളെ മണിക്കുറുകള്‍ക്കകം അറസ്റ്റ് ചെയ്യുകയും ചെയ്തു. പുതിയനകം ആജിഷ് (28), പുതിയന്കം തെക്കുമുറി ആഷിഖ് (25) എന്നിവരെ ആലത്തൂര്‍ പൊലിസ് അറസ്റ്റ് ചെയ്തു. തലേ ദിവസം രാത്രി തന്നെ പ്രതികള്‍ എ.ടി.എമ്മില്‍ വന്ന് കാര്‍ഡ് ഇട്ട് പരിശോധന നടത്തിയിരുന്നു. പുലര്‍ച്ചെ വീണ്ടും വന്നാണ് എ.ടി.എം തകത്തത്. തകര്‍ക്കുന്നതും തലേദിവസം വന്നതും സി.സി ടി.വിയില്‍നിന്ന് ദൃശ്യമാണ്.
തൃപ്പാളൂര്‍ മെയിന്‍ റോഡില്‍ സ്വകാര്യ വ്യക്തിയുടെ കെട്ടിടത്തിലാണ് കഴിഞ പത്ത് വര്‍ഷമായി എ.ടി.എം പ്രവര്‍ത്തിക്കുന്നത്. ആലത്തൂര്‍ കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. അന്വേഷണം സംഘത്തില്‍, ഡിവൈ.എസ്.പി കൃഷ്ണ ദാസ്, സി.ഐ എലിസബത്ത്, എസ്.ഐ അനീഷ്, സിവില്‍ പൊലിസ് ഓഫിസര്‍ ബാബു പോള്‍, പ്രജീഷ്, റഹിം മുത്തു, കൃഷ്ണ ദാസ്, സൂരജ് ബാബു, സന്ദീപ്, ദിലീപ് പങ്കെടുത്തു.