സുല്‍ത്താന്‍ ബത്തേരി: മില്‍ക്ക് സൊസൈറ്റി വാര്‍ഷിക ജനറല്‍ബോര്‍ഡി യോഗവും മികച്ച ക്ഷീരകര്‍ഷകരെ ആദരിക്കല്‍ ചടങ്ങും സംഘടിപ്പിച്ചു. പരിപാടിയില്‍ ക്ഷീരകര്‍ഷകരുടെ മക്കളില്‍ മികച്ച വിജയം നേടിയ വിദ്യാര്‍ഥികളെ അനുമോദിച്ചു. ബത്തേരി വ്യാപാര ഭവനില്‍ നടന്ന പരിപാടി മുന്‍സിപ്പല്‍ ചെയര്‍മാന്‍ സി.കെ സഹദേവന്‍ ഉദ്ഘാടനം ചെയ്തു. സൊസൈറ്റി പ്രസിഡന്റ് കെ.കെ പൗലോസ് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് സുരേഷ് താളൂര്‍, നെന്മേനി ഗ്രമാപഞ്ചായത്ത് പ്രസിഡന്റ് കറപ്പന്‍, ബേബി വര്‍ഗീസ്, പി.പി വിജയന്‍, ഗോപീദാസ്, എബി ജോസഫ്, സിന്ധുഹരിദാസ്, സിതാ മോഹനന്‍, സിന്ധു സജീവന്‍, എം ഭാസക്കരന്‍, എന്‍ സിദ്ദീഖ് തുടങ്ങിയവര്‍ സംസാരിച്ചു.