കല്‍പ്പറ്റ: ഓഗസ്റ്റ് 10 മുതല്‍ 30 വരെ 'മലയാളത്തിന്റെ സുകൃതം' എന്ന പ്രമേയവുമായി നടക്കുന്ന സുപ്രഭാതം രണ്ടാം വാര്‍ഷിക പ്രചാരണ പരിപാടികള്‍ ജില്ലയില്‍ വന്‍ വിജയമാക്കാന്‍ ശംസുല്‍ ഉലമാ ഇസ്‌ലാമിക് അക്കാദമി ലൈബ്രറി ഹാളില്‍ ചേര്‍ന്ന സമസ്തയുടെയും പോഷക ഘടകങ്ങളുടെയും ജില്ലാ ഭാരവാഹികളുടെ നേതൃ സംഗമം തീരുമാനിച്ചു.
സുപ്രഭാതം ചെയര്‍മാന്‍ കോട്ടുമല ടി.എം ബാപ്പുമുസ്‌ലിയാര്‍ ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് എം.എം ഇമ്പിച്ചിക്കോയ മുസ്‌ലിയാര്‍ അധ്യക്ഷനായി. 14 റെയ്ഞ്ച് തലങ്ങളിലും സുപ്രഭാതം സംഗമങ്ങള്‍ നടക്കും. സ്‌ക്വാഡ് വര്‍ക്ക് നടത്തി പുതിയ പതിനായിരം വാര്‍ഷിക വരിക്കാരെ ചേര്‍ക്കുന്നതിനും പദ്ധതികള്‍ ആവിഷ്‌കരിച്ചു.
കെ.ടി ഹംസ മുസ്‌ലിയാര്‍, വി മൂസക്കോയ മുസ്‌ലിയാര്‍, പിണങ്ങോട് അബൂബക്കര്‍, ടി.സി അലി മുസ്‌ലിയാര്‍, എസ് മുഹമ്മദ് ദാരിമി, ഇബ്‌റാഹീം ഫൈിസ പേരാല്‍, അബ്ദുലത്വീഫ് വാഫി സംസാരിച്ചു. പി.സി ഇബ്‌റാഹീം ഹാജി, ഉസ്മാന്‍ ഫൈസി, കാഞ്ഞായി ഉസ്മാന്‍, പനന്തറ മുഹമ്മദ്, ശംസുദ്ദീന്‍ റഹ്മാനി, അബ്ദുല്‍ ഖാദര്‍ മടക്കിമല, കെ.എ നാസര്‍ മൗലവി, ഹംസ ഫൈസി, മുഹമ്മദ് കുട്ടി ഫൈസി, മുത്തലിബ് മൗലവി, സാജിദ് മൗലവി, ശിഹാബുദ്ദീന്‍ വാഫി, നിസാം കെ അബ്ദുല്ല, പി.സി ഉമര്‍ കുപ്പാടിത്തറ, അബ്ദുല്‍ ജലീല്‍ ദാരിമി പങ്കെടുത്തു. ജില്ലാ കോഡിനേറ്റര്‍ ഹാരിസ് ബാഖവി കമ്പളക്കാട് സ്വാഗതവും കെ.എ നാസര്‍ മൗലവി നന്ദിയും പറഞ്ഞു.