തിരുവനന്തപുരം: ആരാധനാലയങ്ങളില്‍ പോവുന്നവര്‍ പാപം ചെയ്തവരാണ്. അതിനാല്‍ ശബരിമലയില്‍ പോകുന്നവരുടെ പൂര്‍വകാല ചരിത്രം ചികയേണ്ടതില്ല. ധൈര്യം ഉള്ളവര്‍ ശബരിമലയില്‍ പോയാല്‍ മതിയെന്ന് പൊതുമരാമത്ത് മന്ത്രി ജി.സുധാകരന്‍ പറഞ്ഞു. സ്ത്രീകള്‍ ക്ഷേത്രദര്‍ശനം നടത്താതെ തിരിച്ചുപോയത് നരാശാജനകമാണെന്നും അദ്ദേഹം പറഞ്ഞു.

ഹര്‍ത്താലിന് കട പൂട്ടി പോകുന്ന ലാഘവത്തോടെയാണ് നട അടച്ചിടുമെന്ന് തന്ത്രി പറഞ്ഞത്. ഇത് ഫ്യൂഡല്‍ പൗരോഹിത്യത്തിന്റെ തകര്‍ച്ചക്കുള്ള മണിമുഴക്കമാണ് ഇത് വ്യക്തമാക്കുന്നതെന്ന് മന്ത്രി പറഞ്ഞു. ഇത് കേരളം ചര്‍ച്ച ചെയ്യണമെന്നും മന്ത്രി സുധാകരന്‍ പറഞ്ഞു.