ജിദ്ദ: ഹജ്ജ് വെല്‍ഫയര്‍ ഫോറം വഴി വളണ്ടിയര്‍ സേവനത്തില്‍ പങ്കെടുത്ത പ്രവാസി സാംസ്‌കാരിക വേദിയുടെ പ്രവര്‍ത്തകര്‍കരെ ജിദ്ദ സെന്‍ട്രല്‍ കമ്മിറ്റി അനുമോദിച്ചു. വ്യത്യസ്ത രാജ്യങ്ങളില്‍ നിന്നെത്തിയ ലക്ഷക്കണക്കിന് ഹാജിമാര്‍ക്കായി സ്തുത്യര്‍ഹമായ സേവനമാണ് പരിചയ സമ്പന്നരായ ടീം ക്യാപ്റ്റന്‍മാരുടെ നേതൃത്വത്തില്‍ പ്രവാസിയുടെ വളണ്ടിയര്‍മാര്‍ നിര്‍വഹിച്ചതെന്ന് ചടങ്ങില്‍ സംസാരിച്ച ജിദ്ദ ഹജ്ജ് വെല്‍ഫെയര്‍ ഫോറം ചെയര്‍മാന്‍ നസീര്‍ വാവക്കുഞ്ഞ് പറഞ്ഞു.

വേങ്ങര നാസര്‍, സിദ്ധീഖ് സ്വാഗതമാട്, സാബിര്‍ ആററിങ്ങല്‍, മുനീര്‍ ചെറുകോട്, ഉസാമ, ബഷീര്‍ ഉളിയില്‍ , മുജീബ് മീരാന്‍ , മുഹമ്മദ് യൂനുസ് എന്നിവര്‍ അനുഭവങ്ങള്‍ പങ്കുവെച്ചു.
വെല്‍ഫയര്‍ ഫോറം ഭാരവാഹികളായ ട്രഷറര്‍ ബഷീര്‍ മമ്പാട്, സെക്രട്ടറി സൈനുല്‍ ആബിദീന്‍, വളണ്ടിയര്‍ കോര്‍ഡിനേറ്റര്‍ എ.കെ സൈതലവി, നിസാര്‍ ഇരിട്ടി എന്നിവര്‍ ആശംസ നേര്‍ന്നു. സെന്‍ട്രല്‍ കമ്മിററി പ്രസിഡന്റ് റഹീം ഒതുക്കുങ്ങല്‍ അധ്യക്ഷത വഹിച്ചു. സെക്രട്ടറി എം.പി അശ്‌റഫ്, ട്രഷറര്‍ സിറാജ് ഇ.പി, സി.എച്ച് ബഷീര്‍ സംബന്ധിച്ചു.