മേപ്പാടി: ഇന്നലെ വൈകിട്ട് മിന്നലേറ്റ് മേയാന്‍ മേയാന്‍ വിട്ട മൂന്ന് പോത്തുകള്‍ ചത്തു.
കഡൂര്‍ അമ്പലക്കുന്നിലാണ് സംഭവം. ഓര്‍ക്കാട്ടേരി ഹുമയൂണ്‍ കബീറിന്റെ പോത്തുകളാണ് ചത്തത്. രണ്ടര വയസ് പ്രായം ഉള്ളവയാണ് ചത്തത്.
വൈകിട്ട് നാലോടെയാണ് മിന്നലും പിന്നാലെ വന്‍ ശബ്ദത്തില്‍ ഇടി വെട്ടുകയും ചെയ്തത്. അമ്പലക്കുന്ന് ഗ്രൗണ്ടിന് സമീപത്തെ കുന്നിന് മുകളില്‍ മേയുകയായിരുന്ന പോത്തുകള്‍ മിന്നലേറ്റ് തല്‍ക്ഷണം ജീവന്‍ നഷ്ടപെടുകയായിരുന്നു.സമീപത്തെ പാറയിലും മിന്നലേറ്റു പാറ രണ്ടായി പിളര്‍ന്നു. പോത്തുകളെ മേയാന്‍ വിട്ട് കാവല്‍ നിന്ന ഹുമയൂണ്‍ മിനിറ്റുകള്‍ക്ക് മുന്‍പാണ് പോത്തുകളുടെ അടുത്തു നിന്നും മാറിയത്.
അപകടത്തില്‍ നിന്നും തല നാരിഴക്കാണ് ഹുമയൂണ്‍ രക്ഷപെട്ടത്. അമ്പതിനായിരം രൂപ വിലയുള്ള മൂന്ന് പോത്തുകളാണ് ഈ കര്‍ഷകന് നഷ്ടമായത്.