ഉപ്പള: കേന്ദ്ര സര്‍ക്കാരിന്റെ കന്നുകാലി കശാപ്പ് കച്ചവട നിരോധന ഉത്തരവിനെതിരേ മീറ്റ് വര്‍ക്കേഴ്‌സ് യൂനിയന്‍ (എസ്.ടി.യു) ഉപ്പളയില്‍ നടത്തിയ പ്രതിഷേധ സംഗമം പി.ബി അബ്ദുല്‍ റസാഖ് എം.എല്‍.എ ഉദ്ഘാടനം ചെയ്തു.
ഉത്തരവിനെതിരേ കേരളം ഒറ്റക്കെട്ടായി നില്‍ക്കുമെന്നും അതിനായി പ്രത്യേക നിയമസഭാ സമ്മേളനം ചേരുകയാണെന്നും അദ്ദേഹം പറഞ്ഞു. എസ്.ടി.യു മണ്ഡലം പ്രസിഡന്റ് അബ്ദുല്‍ റഹ്മാന്‍ ഹാജിവളപ്പ് അധ്യക്ഷനായി.
ജില്ലാ ജനറല്‍ സെക്രട്ടറി അബ്ദുല്‍ റഹ്മാന്‍ ബന്തിയോട്, എ. ഉമര്‍ ഖാദര്‍, എ.കെ.എം.അഷ്‌റഫ്, ഗോള്‍ഡന്‍ റഹ്മാന്‍, അസീസ് കളത്തൂര്‍, യൂസഫ് ഉളുവാര്‍, എം.ബി യൂസഫ്, സെഡ്.എ കയ്യാര്‍, പി.വൈ ആസിഫ് സംസാരിച്ചു.