കുറ്റിക്കോല്‍: സി.പി.എമ്മിന്റെ പ്രതിഷേധ പ്രകടനത്തിനു നേരെ കല്ലേറ്. മുന്‍ ബ്രാഞ്ച് സെക്രട്ടറിയടക്കം രണ്ടു പേര്‍ക്കു പരുക്ക്. ഡല്‍ഹിയില്‍ സി.പി.എം അഖിലേന്ത്യാ സെക്രട്ടറി സീതാറാം യെച്ചൂരിക്കു നേരെ നടന്ന അക്രമത്തില്‍ പ്രതിഷേധിച്ച് സി.പി.എമ്മിന്റെ നേതൃത്വത്തില്‍ പള്ളത്തിങ്കാല്‍ ചുള്ളിയില്‍ കഴിഞ്ഞ ദിവസം വൈകുന്നേരം നടന്ന പ്രകടനത്തിനു നേരെയാണു കല്ലേറുണ്ടായത്. ചുള്ളി മുന്‍ ബ്രാഞ്ച് സെക്രട്ടറി ടി.സി രാജീവന്‍ (38), ബ്രാഞ്ച് അംഗം എച്ച്. സതീശന്‍ (30) എന്നിവര്‍ക്കാണ് പരുക്ക്. പ്രകടനം റോഡിലൂടെ കടന്നു പോകുമ്പോള്‍ ഒരു കടയില്‍ നിന്നു കോണ്‍ഗ്രസുകാരാണ് കല്ലെറിഞ്ഞതെന്നു സി.പി.എം പ്രവര്‍ത്തകര്‍ ആരോപിച്ചു.