കാഞ്ഞങ്ങാട്: സ്‌കൂളുകളില്‍ 'സ്‌നേഹപൂര്‍വം സുപ്രഭാതം' പത്രം നല്‍കുന്നതിന്റെ ജില്ലാതല ഉദ്ഘാടനം പള്ളിക്കര ഗവ.ഹയര്‍ സെക്കന്‍ഡറി സ്‌കൂളില്‍ വിദ്യാര്‍ഥികള്‍ക്കു പത്രം നല്‍കി മുന്‍ മന്ത്രി ചെര്‍ക്കളം അബ്ദുല്ല ഉദ്ഘാടനം ചെയ്തു.
വിദ്യാഭ്യാസത്തിനു വളരെയധികം മുന്‍തൂക്കം നല്‍കി 'സുപ്രഭാതം' നടത്തുന്ന സേവനം മഹനീയമാണെന്നും ഇതു വളരെ അഭിനന്ദനം അര്‍ഹിക്കുന്ന കാര്യമാണെന്നും അദ്ദേഹം പറഞ്ഞു.
എസ്.കെ.എസ്.എസ്.എഫ് മുക്കൂട് ശാഖാ കമ്മിറ്റിയാണ് സ്‌കൂളിലേക്ക് ഒരു വര്‍ഷത്തേക്ക് പത്തു കോപ്പി പത്രം വാഗ്ദാനം ചെയ്തത്. എം.എ സ്വാലിഹ് അധ്യക്ഷനായി.
ഡോ.പി.എ ഇബ്രാഹിം ഹാജി, ഹംസ തൊട്ടി, കുന്നില്‍ ഹനീഫ്, എസ്.കെ.എസ്.എസ്.എഫ് ഭാരവാഹികളായ ഖുസൈമ, മുജ്തബ, മുഹമ്മദ് ഔന്‍, സവാദ്, സോളാര്‍ കുഞ്ഞാമദ്, കെ.എ അബ്ദുല്ല,കെ.എം അബ്ദുല്‍ റഹിമാന്‍, കരാച്ചഹി മുഹമ്മദ്, 'സുപ്രഭാതം' കാസര്‍കോട് സര്‍ക്കുലേഷന്‍ എക്‌സിക്യൂട്ടിവ് മൊയ്തു ചെര്‍ക്കള, കാസര്‍കോട് ബ്യൂറോ ലേഖകന്‍ വി.കെ പ്രദീപ്, കാഞ്ഞങ്ങാട് ലേഖകന്‍ ഹമീദ് കുണിയ, കെ.ഇ.എ ബക്കര്‍, ടി.പി കുഞ്ഞബ്ദുല്ല എന്നിവര്‍ സംസാരിച്ചു.