റിയാദ്: സഊദിയില്‍ മയക്കുമരുന്ന് കേസില്‍ 23നൈജീരിയക്കാര്‍ വധശിക്ഷ കാത്ത് കഴിയുന്നതായി റിപ്പോര്‍ട്ടുകള്‍. നൈജീരിയന്‍ മാധ്യമങ്ങളാണ് ഇത് സംബന്ധിച്ച റിപ്പോര്‍ട്ടുകള്‍ പുറത്ത് വിട്ടത്. 2016 മുതല്‍ 2017 വരെയുള്ള കാലയളവിനിടെ ജിദ്ദ കിംഗ് അബ്ദുല്‍ അസീസ് അന്താരാഷ്ട്ര വിമാനത്താവളം, മദീന മുഹമ്മദ് ബിന്‍ അബ്ദുല്‍ അസീസ് അന്താരാഷ്ട്ര വിമാനത്താവളങ്ങളില്‍ വച്ച് മയക്കുമരുന്ന് കേസുകളില്‍ പിടികൂടപ്പെട്ടവരാണ് ഇവര്‍.
സഊദിയില്‍ മയക്കുമരുന്ന് കടത്ത് വധശിക്ഷ ലഭിക്കുന്ന മാരകമായ കുറ്റകൃത്യമാണ്. മയക്കുമരുന്ന് കേസില്‍ മൂന്ന് നൈജീരിയക്കാരുടെ വധശിക്ഷ കഴിഞ്ഞ ദിവസങ്ങളില്‍ നടപ്പാക്കിയിരുന്നു. ഇതിന് പിന്നാലെയായാണ് വധശിക്ഷ കാത്ത് കഴിയുന്നവരുടെ കണക്കുകള്‍ പുറത്ത് വന്നത്.