കൊച്ചി: എളംകുളം ചെറുപുഷ്പം പള്ളിയില്‍ നിത്യേനയുള്ള അന്നദാന പരിപാടിക്ക് തുടക്കമായി.
തിങ്കള്‍ മുതല്‍ വെള്ളിവരെ ഉച്ചയ്ക്ക് 12 മണി മുതലാണ് അന്നദാനം. അന്നദാന പരിപാടി നടക്കുന്ന കാരുണ്യ കാന്റീന്റെ ആശീര്‍വാദം എറണാകുളം അങ്കമാലി അതിരൂപത സഹായമെത്രാന്‍ മാര്‍ സെബാസ്റ്റ്യന്‍ എടയന്ത്രത്ത് നിര്‍വഹിച്ചു.
കാരുണ്യ കാന്റീന്‍ മേയര്‍ സൗമിനി ജെയ്ന്‍ ഉദ്ഘാടനം ചെയ്തു.  
അന്നദാനത്തിനുള്ള പ്രഥമ ധനസഹായം ഫാ. ജോര്‍ജ് വലിയവീട്ടില്‍ സഹായമെത്രാന് കൈമാറി. വികാരി ഫാ.പോള്‍ കരേടന്‍, ട്രസ്റ്റി എ.സി.സേവ്യര്‍ എന്നിവര്‍ പങ്കെടുത്തു.