തിരുവനന്തപുരം: സംസ്ഥാന സ്‌പോര്‍ട്‌സ് കൗണ്‍സില്‍ നടപ്പാക്കുന്ന എലൈറ്റ് ഫെന്‍സിങ് പരിശീലന പദ്ധതിയിലേക്ക് കായിക താരങ്ങളെ തിരഞ്ഞെടുക്കുന്നു. 2015- 16, 2016- 17 വര്‍ഷങ്ങളില്‍ ദേശീയ, അന്താരാഷ്ട്ര മത്സരങ്ങളില്‍ കഴിവ് തെളിയിച്ച 14 മുതല്‍ 20 വയസ് വരെ പ്രായമുള്ള വനിതാ താരങ്ങളെയാണ് എറണാകുളം റീജ്യനല്‍ സ്‌പോര്‍ട്‌സ് സെന്ററില്‍ നടക്കുന്ന പദ്ധതിയിലേക്ക് തിരഞ്ഞെടുക്കുന്നത്.
വിദേശ പരിശീലകന്റെ സേവനം ഉള്‍പ്പെടെ ആധുനിക നിലവാരത്തിലുള്ള അനുബന്ധ സൗകര്യങ്ങളും പദ്ധതി പ്രകാരം ലഭ്യമാക്കും. താത്പര്യമുള്ള താരങ്ങള്‍ ഫെന്‍സിങ്ങില്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി 13ന് രാവിലെ എട്ട് മണിക്ക് എറണാകുളം റീജ്യനല്‍ സ്‌പോര്‍ട്‌സ് സെന്ററില്‍ നടക്കുന്ന സെലക്ഷന്‍ ട്രയലില്‍ പങ്കെടുക്കണമെന്ന് സംസ്ഥാന സ്‌പോര്‍ട്‌സ് കൗണ്‍സില്‍ സെക്രട്ടറി അറിയിച്ചു.