പുതുക്കാട്: കണ്ണംപത്തൂരില്‍ വീടിനു മുന്നില്‍ കിടന്നിരുന്ന കാര്‍ തല്ലി തകര്‍ത്തു.
അയ്യഞ്ചിറ ഷാജുവിന്റെ കാറാണ് തകര്‍ത്തത്. ഞായറാഴ്ച രാത്രി ഓട്ടോയില്‍ എത്തിയ സംഘമാണ് ആക്രമണം നടത്തിയതെന്ന് പറയുന്നു.
ശനിയാഴ്ച രാത്രിയില്‍ ഷാജുവിനെ ഒരു സംഘം എത്തി അസഭ്യം പറയുകയും ഭീഷണിപ്പെടുത്തുകയും ചെയ്തിരുന്നു.
ഇതിനെതിരേ പുതുക്കാട് പൊലിസില്‍ പരാതി നല്‍കിയിരുന്നു. ഇതിലുള്ള വൈരാഗ്യമാണ് ആക്രമണത്തിന് പിന്നിലെന്ന് കരുതുന്നു. പുതുക്കാട് പൊലിസ് കേസെടുത്ത് അന്വേഷണം ആരംഭിച്ചു.