ശിവപുരി: മധ്യപ്രദേശില്‍ പൊലിസ് സ്റ്റേഷന്‍ കത്തിക്കാന്‍ പ്രക്ഷോഭകരോട് കോണ്‍ഗ്രസ് വനിതാ എം.എല്‍.എ ആഹ്വാനം ചെയ്യുന്ന ദൃശ്യങ്ങള്‍ പുറത്ത്. കര്‍ഷക പ്രക്ഷോഭത്തില്‍ പങ്കെടുത്ത ശകുന്തള കാതിക് എം.എല്‍.എയാണ് സമരക്കാരോട് സ്‌റ്റേഷന്‍ കത്തിക്കാന്‍ ആഹ്വാനം ചെയ്യുന്നത്.  ബി.ജെ.പി വക്താവ് തേജീന്ദര്‍ ബാഗയാണ് ദൃശ്യങ്ങള്‍ പുറത്തു വിട്ടത്.

കര്‍ഷക പ്രക്ഷോഭത്തില്‍ പങ്കെടുക്കാനെത്തിയ തന്നെ പൊലിസ് തടഞ്ഞതിലുള്ള അമര്‍ഷത്തിലാണ് അവര്‍ ഇങ്ങനെ പ്രതികരിക്കുന്നത്. ശിവപുരി ജില്ലയില്‍ നിന്നുള്ള എം.എല്‍.എയാണ് ശകുന്തള. കഴിഞ്ഞ ദിവസം കൊല്ലപ്പെട്ട കര്‍ഷകരെ സന്ദര്‍ശിക്കാനെത്തിയ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ പൊലിസ് തടഞ്ഞിരുന്നു.